Ikatlah Ilmu Dengan Menuliskannya (Sayyidina Ali bin Abi Thalib r.a)

Arsip

Diberdayakan oleh Blogger.

Selasa, 18 Agustus 2015

Kabut Asap di Palangka Raya


Salamat siang kakawanan....

Mamparingati Hari Kemerdekaan nang ka-70 ini ulun rasa handak posting pakai bahasa daerah ulun. Biarpun ulun ni campuran antara Dayak wan Banjar tapi bahasa sahari-hari ulun ni Bahasa Banjar. Muhun ijin ai lah pakai bahasa sahari-hari ulun. Rancana manambahi label jua di blog ulun ni yaitu BB. Pikiran pian jangan kijil. BB maksud ulun ni Bahasa Banjar lain Buka-bukaan pang.

Nah posting pertama BB ni ulun handak bakisah pangalaman babarapa hari ini di Palangka Raya wadah kadiaman ulun. Samingguan ni sudah pina bakabut asap. Apalagi malam sampai baisukan sungsung bau asap tahingut banar. Nang sihat gin bisa jadi gagaringan dapatnya. Kaya ulun ni pina bahingusan wan handak batukan. -du'akan ulun mudahan kada garing lah-

Kabut tu gara-garanya banyak lahan nang di bakar, pambakarannya takananya bisa kada kawa dikandaliakan akhirnya kabun urang sabalah tabakar jua pas am magin baganal apinya. Banyak sudah bantuan pamadam kabakaran hutan tapi ulih kababanyakan yang tabakar kada sanggup jua bubuhan sidin. Ujar manurut ilmu pertanian amun lahan gambut tu tabakar, biar pajah atasnya amun bawahnya masih ada bara nya bisa pacangan hidup lagi apinya.

Nah asap ni datangnya kada tau jua ulun darimana tapi pas hari minggu sumalam ulun ka Banjarmasin mahadari kawinan kawan, banyak titik-titik api sapanjang jalan. Apalagi jalan antara Pulang Pisau smpai ka Palangka Raya. Mulai yang di tangah hutan sampai di pinggir jalan gin ada.

Efek kabut asap ni bisa mangganggu kasihatan. Ujar urang tu ISPA -napa kah kapanjangannya tu-. Slain itu bisa mangganggu penerbangan jua. Bisa delay matan pagi sampai sore tu. Mudahan ja lakas ampih kabut asap ni, asa kada sanggup lagi. Sakit kapala hari-hari mahirup asap

0 Komentar:

Posting Komentar

Silahkan tinggalkan komentar pada formulir isian berikut